ລາຍລະອຽດການເປີດເຜີຍຂໍ້ມູນ

ບໍລິສັດ ຜະລິດ-ໄຟຟ້າລາວ ມະຫາຊົນ (“ບໍ​ລິ​ສັດ”) ຂໍຖືເປັນກຽດແຈ້ງມະຕິທີ່ສຳຄັນ ຂອງກອງປະຊຸມສະພາບໍລິຫານສະໄໝສາມັນ ຄັ້ງທີ 3/2020 ວັນທີ 24 ສິງຫາ 2020, ດັ່ງມີລາຍລະອຽດລຸ່ມນີ້:

1. ຮັບຮອງບົດລາຍງານການດຳເນີນທຸລະກິດ ລວມທັງລາຍງານການເງິນ ຂອງບໍລິສັດ 06 ເດືອນຕົ້ນປີ 2020 (01/01/2020-30/06/2020)​, ​​ເຊິ່ງ​ຜູ້​ກວດ​ສອບ​ບັນຊີ​ພາຍນອກໄດ້​ມີການທົບທວນແລ້ວ ​ແລະ ໃຫ້ນຳເລື່ອງນີ້ ລາຍງານຕໍ່ກອງປະຊຸມສາມັນຜູ້ຖືຮຸ້ນປະຈໍາປີ 2020 ເພື່ອພິຈາລະນາ​ຮັບຮອງ.
2. ອະນຸມັດບໍ່ຈ່າຍເງິນປັນຜົນຈາກຜົນການດຳເນີນທຸລະກິດ ຂອງ ບໍລິສັດ 06 ເດືອນຕົ້ນປີ 2020 (01/01/2020-30/06/2020)​ ​ເນື່ອງ​ມາຈາກສະພາບ​ອາກາດ​ໃນ​ລະດູຝົນ​​ບໍ່​ເອື້ອ​ອຳນວຍ, ແຫ້ງ​ແລ້ງ, ຝົນ​ບໍ່​ຕົກ​ຖືກ​ຕາມ​ລະດູ​ການ ສົ່ງ​ຜົນ​ເຮັດ​ໃຫ້ບໍ່​ມີ​ນໍ້າ​ພຽງພໍ​ເຂົ້າ​ໃນ​ການຜະລິດພະລັງງານ​ໄຟຟ້າ ​ແລະ ​ເຮັດ​ໃຫ້ການ​ຜະລິດບໍ່​ໄດ້​ຕາມ​ແຜນ​ການ​ທີ່​ວາງ​ໄວ້; ​ລວມທັງ​ການ​ຜະລິດ ຂອງບັນດາ​ເຂື່ອນ​ຜູ້​ຜະລິດ​ໄຟຟ້າ​ເອກະ​ລາດ ທີ່ ບໍລິສັດ​ເຂົ້າ​ຖື​ຮຸ້ນ ກໍ່ບໍ່ສາມາດ​ຜະລິດພະລັງງານ​ໄຟຟ້າ​ໄດ້ຕາມ​ແຜນການ. ດັ່ງ​ນັ້ນ, ຈຶ່ງສົ່ງ​ຜົນ​ກະທົບໃຫ້​ບໍລິສັດ ຂາດທຶນ​ເປັນ​ຈຳນວນ​ເງິນ 15,53 ຕື້​ກີບ. ​​ແລະ ໃຫ້ນໍາເລື່ອງນີ້ລາຍງານຕໍ່ກອງປະຊຸມສາມັນຜູ້ຖືຮຸ້ນ ປະຈໍາປີ 2020 ເພື່ອພິຈາລະນາອະນຸມັດ.

 

                                         ດັ່ງນັ້ນ, ຈຶ່ງຮຽນມາຍັງທ່ານເພື່ອຊາບ ແລະໃຊ້ຕາງລາຍງານ.

                                                                                                                      ດ້ວຍຄວາມນັບຖືເປັນຢ່າງສູງ,

                                          ກຳມະການສະພາບໍລິຫານ/ຜູ້ອຳນວຍການໃຫຍ່

 

                                                                      ດວງສີ ພາຣາຍົກ