ລາຍລະອຽດການເປີດເຜີຍຂໍ້ມູນ

   ບໍລິສັດ ຜະລິດ-ໄຟຟ້າລາວ ມະຫາຊົນ (“ບໍ​ລິ​ສັດ”) ຂໍຖືເປັນກຽດແຈ້ງມະຕິ ຂອງກອງປະຊຸມວິສາມັນຜູ້ຖືຮຸ້ນຄັ້ງ​ທີ 1/2020 ວັນທີ 24 ກໍລະກົດ 2020, ດັ່ງມີລາຍລະອຽດລຸ່ມນີ້:

ວາລະທີ 1.ຮັບຮອງບົດບັນທຶກກອງປະຊຸມສາມັນຜູ້ຖືຮຸ້ນປະຈຳປີ 2019, ວັນທີ 29 ພຶດສະພາ 2020. ກອງປະຊຸມໄດ້ມີມະຕິ ດ້ວຍຄະແນນສຽງ ຫລາຍກວ່າເຄິ່ງໜຶ່ງ ຂອງຈຳນວນສຽງທັງໝົດຂອງຜູ້ຖືຮຸ້ນທີ່ເຂົ້າຮ່ວມກອງປະຊຸມ ດັ່ງນີ້:

• ເຫັນ​ດີ​ຈຳນວນ 1.513.690.463 ສຽງ, ​ເທົ່າ​ກັບ 100 ສ່ວນ​ຮ້ອຍ ຂອງ​ຈຳນວນ​ສຽງ​ທັງ​ໝົດ​ທີ່​ເຂົ້າຮ່ວມກອງ​ປະຊຸມ.

ວາລະທີ 2.    ຮັບຮອງການ​​ແຕ່ງຕັ້ງຜູ້ອຳນວຍການ​ໃຫຍ່ຜູ້​ໃໝ່ ພ້ອມ​ດ້ວຍ​ຄະນະ ​ເພື່ອ​ປ່ຽນ​ແທນ​ຜູ້ອຳນວຍການ​ໃຫຍ່​ຜູ້​ເກົ່າ ພ້ອມດ້ວຍ​ຄະນະທີ່​ເຂົ້າຮັບກະສຽນບໍາເນັດຄື:

1. ຮັບຮອງການແຕ່ງ​ຕັ້ງ ທ່ານ ດວງ​ສີ ພາຣະຍົກ ເປັນ​ຜູ້ອຳນວຍການໃຫຍ່​ຜູ້​ໃໝ່ ​ເພື່ອສືບ​ຕໍ່ປະຕິບັດ​ໜ້າ​ທີ່​ບໍລິຫານບໍລິສັດ​ ແທນຜູ້ອໍານວຍ​ການໃຫຍ່ຜູ້​ເກົ່າ;
2. ຮັບຮອງການແຕ່ງ​ຕັ້ງ ທ່ານ ທອງ​ເພັດ ດ້ວງ​ເງິນ ເປັນ​ຮອງ​ຜູ້ອຳນວຍການ​ໃຫຍ່;
3. ຮັບຮອງການແຕ່ງ​ຕັ້ງ ທ່ານ ວົງ​ສະກຸນ ຍິ່ງ​ຍົງ ເປັນ​ຮອງ​ຜູ້ອຳນວຍການ​ໃຫຍ່;
4. ຮັບຮອງການແຕ່ງ​ຕັ້ງ ທ່ານ ນາງ ສຸກ​ສັນ ພົງ​ພິລາ ເປັນ​ຮອງ​ຜູ້ອຳນວຍການ​ໃຫຍ່;
5. ຮັບຮອງການແຕ່ງ​ຕັ້ງ ທ່ານ ວັນ​ແສງ ວັນນະ​ວົງ ເປັນ​ຮອງ​ຜູ້ອຳນວຍການ​ໃຫຍ່ ສາຍ​ງານ​ການ​ເງິນ.

ກອງປະຊຸມໄດ້ມີມະຕິ ດ້ວຍຄະແນນສຽງຫລາຍກວ່າເຄິ່ງໜຶ່ງ ຂອງຈຳນວນສຽງທັງໝົດຂອງຜູ້ຖືຮຸ້ນທີ່ເຂົ້າຮ່ວມກອງປະຊຸມ ດັ່ງນີ້:

• ເຫັນ​ດີ​ຈຳນວນ 1.513.690.463  ສຽງ, ​ເທົ່າ​ກັບ 100 ສ່ວນ​ຮ້ອຍ ຂອງ​ຈຳນວນ​ສຽງ​ທັງ​ໝົດ​ທີ່​ເຂົ້າຮ່ວມກອງ​ປະຊຸມ.
• ​ທີ 3.  ຮັບຮອງການແຕ່ງຕັ້ງຮອງປະທານສະພາບໍລິຫານ ​ແລະ ກຳມະການ​ສະພາ​ບໍລິຫານຜູ້​ໃໝ່ ​ເພື່ອ​ປ່ຽນ​ແທນ​ຜູ້​ເກົ່າ​ທີ່​ເຂົ້າ​ກະສຽນ​ບໍາ​ເນັດ, ການ​ກຳນົດ​ຜູ້​ທີ່​ມີອຳນາດ​ໃນ​ການ​ລົງ​ລາຍ​ເຊັນ​ຜູກ​ພັນ​ບໍລິສັດ ​ແລະ ອາ​ຍຸ​ການ​ຂອງ​ບັນດາ​ກຳມະການ​ສະພາບໍລິຫານບໍລິສັດຄື:

1. ແຕ່ງຕັ້ງທ່ານ ຈັນທະບູນ ສຸກອາລຸນ ຜູ້ວ່າການຜູ້ອຳນວຍການໃຫຍ່ລັດ​ວິ​ສາ​ຫະກິດ​ໄຟຟ້າ​ລາວ ເປັນຮອງປະທານສະພາບໍລິຫານ ເພື່ອປ່ຽນແທນຮອງປະທານສະພາບໍລິຫານຜູ້ເກົ່າ ທີ່​ເຂົ້າກະສຽນບໍາເນັດ.
2. ​ແຕ່ງ​ຕັ້ງທ່າ​ນ ດວງ​ສີ ພາຣະຍົກ ຜູ້ອຳນວຍການ​ໃຫຍ່ ​ບໍລິສັດ ຜະລິດ-​ໄຟຟ້າ​ລາວ ມະຫາຊົນ​ ເປັນ​ກຳມະການ​ສະພາ​ບໍລິຫານ​ຜູ້​ໃໝ່ ເພື່ອປ່ຽນແທນກຳມະການ​ສະພາ​ບໍລິຫານ​ຜູ້​ເກົ່າ ທີ່​ເຂົ້າກະສຽນບໍາເນັດ.

          ກໍານົດຜູ້​ອຳນາດ​ໃນ​ການ​ລົງ​ລາຍ​ເຊັນ​ສັນຍາຜູກ​ພັນບໍລິສັດດັ່ງນີ້:

ກ).  ໃຫ້ປະທານສະພາບໍລິຫານ, ຮອງປະທານສະພາບໍລິຫານ ຫລື ຜູ້ອຳນວຍການໃຫຍ່ ເປັນຜູ້ມີອຳນາດໃນການລົງລາຍເຊັນຜູກພັນບໍລິສັດ ປະທັບກາບໍລິສັດແຕ່ພຽງຜູ້ດຽວ ຫລື;

ຂ). ໃຫ້ກຳມະການທ່ານອື່ນ ສອງທ່ານລົງລາຍເຊັນຮ່ວມກັນ ແລະ ປະທັບກາບໍລິສັດ.

ແລະ ກຳນົດອາຍຸການຂອງກຳມະການສະພາບໍລິຫານ​ທັງໝົດບໍ່​ເກີນສອງປີ ໂດຍເລີ່ມນັບແຕ່ມື້​ກອງປະ ຊຸມວິສາມັນ​ຜູ້​ຖື​ຮຸ້ນ ຄັ້ງທີ 1/2020 ເປັນຕົ້ນໄປ.

               ກອງປະຊຸມໄດ້ມີມະຕິດ້ວຍຄະແນນສຽງຫລາຍກວ່າເຄິ່ງໜຶ່ງ ຂອງຈຳນວນສຽງທັງໝົດຂອງຜູ້ຖືຮຸ້ນທີ່ເຂົ້າຮ່ວມກອງປະຊຸມ ດັ່ງນີ້:

• ເຫັນ​ດີ​ຈຳນວນ 1.513.590.464 ສຽງ, ​ເທົ່າ​ກັບ 99,993 ສ່ວນ​ຮ້ອຍ ຂອງ​ຈຳນວນ​ສຽງ​ທັງ​ໝົດ​ທີ່​ເຂົ້າຮ່ວມກອງ​ປະຊຸມ.
• ບໍ່ເຫັນ​ດີ​ຈຳນວນ 99.999 ສຽງ, ເທົ່າ​ກັບ 0,007 ສ່ວນ​ຮ້ອຍ ຂອງ​ຈຳນວນ​ສຽງ​ທັງ​ໝົດ​ທີ່​ເຂົ້າຮ່ວມກອງ​ປະຊຸມ.

      ວາລະທີ 4.   ຮັບຮອງ​ການ​ດັດ​ແກ້​ກົດ​ລະບຽບ​ ຂອງ​ບໍລິສັດ ມາດຕາ 9 ວ່າ​ດ້ວຍກຳມະການ ແລະ ມາດຕາ 12 ວ່າດ້ວຍສະພາບໍລິຫານ​ຄື:

1. ດັດ​ແກ້ມາດ​ຕາ 9 ວ່າ​ດ້ວຍກຳມະການ: ປ່ຽນ​ຊື່ ​ແລະ ຂໍ້​ມູນ​ຂອງ​ກຳມະການສະພາ​ບໍລິຫານ.
2. ດັດ​ແກ້​ມາດຕາ 12 ວ່າ​ດ້ວຍ​ສະພາ​ບໍລິຫານ: ປ່ຽນ​ຊື່ ​ແລະ ຂໍ້​ມູນ​ຂອງຮອງ​ປະທານສະພາ​ບໍລິຫານ.

       ແລະ ​ມອບອຳນາດໃຫ້ຜູ້ອຳນວຍການໃຫຍ່ ແລະ/ຫຼືບຸກຄົນທີ່ໄດ້ຮັບມອບໝາຍຈາກບຸກຄົນດັ່ງກ່າວ ເປັນຜູ້ມີອໍານາດໃນການດັດແກ້ເນື້ອໃນກົດ​ລະບຽບ​ຂອງບໍລິສັດໃນເລື່ອງດັ່ງ​ກ່າວ​ຂ້າງ​​ເທິງ ລວມທັງມີອຳນາດດັດແກ້ເນື້ອໃນກົດລະບຽບ ຂອງ​ບໍລິສັດຕາມທີ່ເຈົ້າໜ້າທີ່ທະບຽນວິສາຫະກິດ ແລະ/ຫຼື ເຈົ້າໜ້າທີ່ສຳນັກງານຄະນະກຳມະການຄຸ້ມຄອງຫຼັກຊັບ ລວມທັງຕະຫຼາດຫຼັກຊັບລາວ ມີຄໍາແນະນໍາ ແລະ/ຫຼືຄໍາສັ່ງໃຫ້ດັດແກ້.

ກອງປະຊຸມໄດ້ມີມະຕິ ດ້ວຍຄະແນນສຽງຫລາຍ​ກວ່າສອງ​ສ່ວນ​ສາມ (2/3) ຂອງ​ຜູ້​ເຂົ້າຮ່ວມ​ກອງ​ປະຊຸມ ​ແລະ ຖື​ຮຸ້ນ​ລວມກັນ​ຫລາຍ​ກວ່າ 80 ສ່ວນຮ້ອຍ ຂອງ​ຈຳນວນ​ຮຸ້ນ​ທີ່​ຖອກ​​ແລ້ວ​ທັງ​ໝົດ, ດັ່ງນີ້:

 ​(ກ) ຈໍານວນ​ຄົນຂອງ​ຜູ້​ຖື​ຮຸ້ນ ​ທີ່​ເຂົ້າ​ຮ່ວມ​ກອງ​ປະຊຸມ:

1. ​ເຫັນ​ດີ 194 ຄົນ ​ເທົ່າ​ກັບ 99,49 ສ່ວນ​ຮ້ອຍ ທຽບ​ໃສ່​ຈໍານວນ​ຜູ້​ຖື​ຮຸ້ນ​ທີ່​ເຂົ້າ​ຮ່ວມ​ກອງ​ປະຊຸມ.
2. ບໍ່​ເຫັນ​ດີ 01 ຄົນ ​ເທົ່າ​ກັບ 0,51 ສ່ວນ​ຮ້ອຍ ທຽບ​ໃສ່​ຈໍານວນ​ຜູ້​ຖື​ຮຸ້ນ​ທີ່​ເຂົ້າ​ຮ່ວມ​ກອງ​ປະຊຸມ.

(ຂ) ຈໍານວນ​ຮຸ້ນ​ (ສຽງ) ຂອງ​ຜູ້​ຖື​ຮຸ້ນ​ທີ່​ເຂົ້າ​ຮ່ວມ​ກອງ​ປະຊຸມ:

1. ເຫັນ​ດີ 1.513.673.797 ຮຸ້ນ (ສຽງ), ​ເທົ່າ​ກັບ 90,137 ສ່ວນ​ຮ້ອຍ ທຽບ​ໃສ່​ຈໍານວນ​ຮຸ້ນ​ທີ່​ຖອກ​ແລ້ວ​ທັງ​ໝົດ​ຂອງ​ບໍລິສັດ.

2. ບໍ່ເຫັນ​ດີ 16.666 ຮຸ້ນ (ສຽງ), ​ເທົ່າ​ກັບ 0,001 ສ່ວນ​ຮ້ອຍ ທຽບ​ໃສ່​ຈໍານວນ​ຮຸ້ນ​ທີ່​ຖອກ​ແລ້ວ​ທັງ​ໝົດ​ຂອງບໍລິສັດ.

                                              ຮຽນມາຍັງທ່ານເພື່ອຊາບ ແລະໃຊ້ຕາງລາຍງານ.

                                                                                                                                      ດ້ວບຄວາມນັບຖືຢ່າງສູງ,

 

                                                                                                                                     ປະທານ​ສະພາ​ບໍລິຫານ

 

 

 

 

                                                                                                                                        _______________

                                                                                                                                        ປອ. ຄໍາ​ມະນີ ອິນ​ທິລາດ